વરસાદ (લઘુકથા) – દુર્ગેશ ઓઝા 18 comments


ઘણો લાંબો સમય રાહ જોવડાવ્યા પછી વરસાદ બસ તૂટી જ પડ્યો. મોડો થયાનું વટક વાળવું હોય એમ એ આજે ધોધમાર વરસતો હતો. એકાએક ઊભો થઈને રાકેશ ભાગ્યો ઘરની બહાર..ને….

‘વહુ…તારા દીકરાને પાછો બોલાવ. આવા મુશળધાર વરસાદમાં પલળવા ભાગી ગયો ! શરદી થાશે કે માંદો પાડી જશે. આજકાલના છોકરાંવ.. માળા પૂછવાય નથી રોકાતા. એને બૂમ પાડ.’

પણ આરતીને એનું બચપણ યાદ આવી ગયું. વરસાદનું એને બહુ ઘેલું, ને એમાંય પહેલાં વરસાદે તો એ બહેનપણીઓ હારે ઘેલા કાઢતી. વરસાદ પડે ને એ ઉપડે ઘરની બહાર. જલદી ઘરમાં પાછી આવે તો એ આરતી નહીં. બધા એની માને સમજાવવા મથતા કે આ છોરીને જરા રોકો, ડારો દ્યો. બહુ ભીંજાઈ જશે તો ક્યાંક… પણ એની મા જવા દેતી. કહેતી, ‘વરસાદ તો પ્રસાદ કહેવાય. ને પ્રસાદ ક્યારેય માંદા ન પાડે. તું તારે જા દીકરી..’ આરતી બારીમાંથી વરસાદ અને પલળતો એનો દીકરો સાનંદ નીરખી રહી.

વરસાદ તો બરાબરનો જામ્યો. સાસુમાએ ફરી કડક સૂચના આપી. ને ‘ઊભો ‘રે તારો વારો કાઢું. એય..સાંભળે છે કે નહીં ?’ એવી બુમ પાડી આરતી ખુલ્લા પગે દોડી. મા-દીકરા વચ્ચે લાંબો સમય પકડાપકડી ચાલી. માએ ઘણી કોશીશ કરી પણ હાથમાં આવે તો એ રાકેશ શાનો !

‘એ છે જ એવો. હું એને ઓળખું ને ? એ એમ સાંભળે ? એને પકડવા જતાં હું…’ એવું સાસુમાને કહેતાં આરતી ઘરમાં પ્રવેશી. સાસુમા બોલ્યાં, ‘એટલે તું ખાલી હાથે પાછી ફરી.. એમ જ ને ? પણ તારે છેક ત્યાં સુધી જવાની શી જરૂર હતી ? ને ગઈ તો હારે છત્રી ન લઇ જવાય ?’

…..પાણીથી લથબથ ભીંજાયેલી આરતી એટલું તો ધીરે દોડતી ને બોલતી હતી કે રાકેશ પકડાય જ નહીં અને…. આરતી ખાલી હાથે પાછી નહોતી ફરી.

– દુર્ગેશ ઓઝા.
૧ જલારામનગર, નરસંગ ટેકરી, હિરોહોન્ડા શો-રૂમ પાછળ, પોરબંદર ૩૬૦૫૭૫
મો-૯૮૯૮૧૬૪૯૮૮ ઇ-મેઈલ-durgeshart@yahoo.in

કુમાર સામયિકના ડિસેમ્બર 2012ના અંકમાં પ્રસિદ્ધ થયેલી લેખક શ્રી દુર્ગેશભાઈ ઓઝાની પ્રસ્તુત લઘુકથા ‘વરસાદ’ મર્મસભર છે, ટૂંકી છે અને ખરેખર માઈક્રોફિક્શન અને લઘુકથાની વચ્ચેની લંબાઈ ધરાવતી અનોખી કૃતિ છે. અક્ષરનાદને પ્રસ્તુત કૃતિ પ્રસિદ્ધ કરવાની તક આપવા બદલ તેમનો ખૂબ ખૂબ આભાર અને અનેક શુભકામનાઓ.


18 thoughts on “વરસાદ (લઘુકથા) – દુર્ગેશ ઓઝા

  • HEMAL VAISHNAV

    NOW THIS IS WHAT I WILL CALL A CLASSIC “LAGHU KATHA”. THANKS, DURGESH BHAI FOR WONDERFUL STORY.

  • દિલીપ શાહ

    વાર્તા વાચતા વાંચતા વરસાદ માં ભિજાતા હોઈએ એવું લાગ્યું આભાર

  • Dharmendrasinh Solanki

    અદભુત..!આપના શબ્દોરૂપી વરસાદમાઁ હુઁ પણ ભીઁજાય ગયો….

  • ashvin desai47@gmail.com

    ભાઈ દુર્ગેશ ઓઝાએ ‘ લઘુ – કથાના ફોર્મ ઉપર જબ્બર
    પકદ હસ્ત્ગત કરિ લિધિ ચ્હે તેનો હુ સાક્ષિ ચ્હુ
    અશ્વિન દેસાઈ , ઓત્રેલિયા

  • gajanand j. trivedi

    દુર્ગશ્ભૈ તમ્ને અભિન્દનન ૈગ્નેશ્ભૈ તમે કુમાર મન્થિ વર્ત લિધિ બહુ જ સુન્દર્

  • harish thanki

    ‘વરસાદ’ એ દુર્ગેશભાઈની અદભૂત કૃતિ છે..નાયકા આરતીની ધોધમાર લાગણીમાં વાચક પણ અનરાધાર આનંદે છે. ખૂબ સરસ લઘુકથા..

  • hansa rathore

    અદ ભુત ! મનના ઉંડાણે ધરબાયેલી યાદોને પાંખો મળી, ને મન ઉડી આવ્યું એ ઘનઘોર આકાશમાં..અભિનંદન..

  • hansa rathore

    અદ ભુત ! મનના ઉંડાણે ધરબાયેલી યાદોને પાંખો મળી, ને મન ઉડી આવ્યું એ ઘનઘોર આકાશમાં..

  • durgesh oza

    વાંચકોને ય અભિનંદન મારી લઘુકથા વરસાદમાં ભીંજાવા બદલ.શ્રી જીજ્ઞેશભાઈ,અક્ષરનાદ.કોમ બ્લોગનોઆ કૃતિ મૂકી સંવાદ-અભિપ્રાયના વાદળાં વરસાવવા બદલ આભાર.-દુર્ગેશ ઓઝા પોરબંદર

  • Maheshchandra Naik

    વરસાદમા ભીંજાવાની મઝા જેણે માણી હોય તેને આ વાર્તા જરુર આનદ આપી જાય, લેખકને અભિનદન, આપનો આભાર………………………..

  • રાજેન્દ્ર સાવંત

    બહુ સરસ, બચપણ માં લઇ જતી વાર્તા!!
    બાળકો ને રમતા જોઈને તેમની જોડે રમવાનું મન થવું સ્વાભાવિક છે અને મોકો મળે તો ક્રિકેટ રમતા બાળકો જોડે બે બોલ રમી લઈએ છીએ.

  • jjugalkishor

    સુંદર વાર્તા. ટૂંકી વાર્તાઓ તો મોહનભાઈ પટેલની પણ ક્યારેક મૂકજો.

  • Rajesh Vyas

    આ વાર્તા થી જુની કહેવત યાદ આવી ગઇ કે “વહુ અને વરસાદ ને કદી જશ ન મળે”

  • નિમિષા

    વાહ્. અદભૂત.. ખૂબજ સુંદર.. મજા આવી ગઈ દુર્ગેશભાઈ …

    • durgesh oza


      નિમિષા:

      વાહ્. અદભૂત.. ખૂબજ સુંદર.. મજા આવી ગઈ દુર્ગેશભાઈ …

      આભાર નિમિષાજી. લાગણીશીલ સુજ્ઞ વાંચકો એ બેનમુન મૂડી છે.

Comments are closed.