મારો કેરીમાં “રસ” – ગોપાલ ખેતાણી 48 comments


નાનો હતો ત્યારે મે મહિનાની રાહ ઉત્કટતાથી જોતો. પરીક્ષા પૂરી થાય એટલે મોજ. મારા પિતાજીને બુક – સ્ટેશનરીની દુકાન. એટલે વેકેશનમા કામ ઘણુ (જૂના ચોપડા ખરીદવાનું અને તેમનુ કાચુ બાઇન્ડીંગ કરવાનું)

વેકેશનમા નાણાકીય ખેંચ રહે એટલે બહાર ફરવા જવાનુ પોષાય નહી, પરંતુ મિત્રો જોડે રમવાનુ, ચિત્રો દોરવા, નજીક આવેલા બાલભવનની મુલાકાત લેવી, એવી પ્રવૃત્તિઓમાં સમય પસાર થતો.

પરંતુ સૌથી વધારે મજા એટલે કેરી માણવાની. પહેલા મિક્ષર અથવા ઈલેક્ટ્રિક હેન્ડ બ્લેન્ડર તો હતા નહી. મારા પિતાજી દુકાનેથી આવે ત્યારે કેરી લેતા આવે. એમાથી તે દિવસે ખવાય એવી કેરી શોધી મને આપે એટલે તુરંત એ કેરીઓને ધોઈ કાઢું.

પછી પિતાજીની પાસે બેસુ. એ કેરીને ઘોળીને રસ કાઢે. કેરીઓની છાલ અને ગોટલા ચૂસવા હું બેસી જઉં. ત્યાર બાદ બરફને થર્મોકોલના આઇસબોક્સમાંથી (ફ્રિજ ત્યારે ન હતું) કાઢી ધોકાથી ભાંગુ. ઝીણો ભૂક્કો કરી રસવાળા તપેલામાં નાખું. કપડામા થોડો ભૂક્કો ચોટ્યો હોય એનો આનંદ ઉઠાવુ. મમ્મી તપેલામાં થોડુ મલાઈવાળુ દૂધ ઉમેરે અને થોડી ખાંડ. ઝરણીથી રસને બરોબર હલાવવાનો અને રસ તૈયાર.

પિતાજી જમતા જમતા મને વઢે પણ ખરા કે બરફ વધારે નાખ્યો. પણા બંદાને ચાર વાટકા રસ પીવા જોઇએ તો પછી બરફ નાખવો જ પડે ને! થોડા મોટા થયા ત્યારે તો મિક્ષર, બ્લેન્ડર ને ફ્રિજ પણ આવી ગયેલુ. ત્યારે તો કેરી ઘોળીને નહી પણ છાલ ઉતારી, કટકા કરતા અને રસ બનાવતા. લોકલાગણી (એટલે કે મારી લાગણી)ને માન આપી થોડા કટકા અલગથી રાખી રસમાં અલગથી ઉમેરાતા.

રસની જોડે કેરીના કટકાનો અદભુત સ્વાદ.. અહાહા.. મોજ પડતી બાપુ. ત્રણ-ચાર વાટકા રસના, પેટમાં ગયા હોય પછી જે ઘેન ચડે.. બે કલાકની ઉંઘ તો પાક્કી જ.

કેરી પ્રત્યે એટલો મોહ કે ઉનાળામાં લગ્નસરા દરમ્યાન જમણવારમાં કેરીનો રસ હોય તો સારુ એવુ વિચારતો, હજુ આજની તારીખે પણ એવું જ વિચારું છું. શ્રીખંડ મને ભાવે, પણ કેરીના રસને પ્રાથમિકતા.

કૉલેજમાં ગયો તે પહેલા ત્રણ પ્રકારની કેરી વિશે જ માહિતી હતી. કેસર, હાફુસ અને અથાણાની કેરી. (રાજાપુરીને અથાણાની કેરી કહેતો)

એક મજાનો પ્રસંગ… મારા ખાસ મિત્રના ભાઈના લગ્ન, જાન વડોદરાથી રાજપીપળા જવાની હતી. લગ્ન ઉનાળામાં રાખ્યા હતા. અમે લગભગ ૮-૧૦ મિત્રો પહોચી ગયેલા. વરઘોડો ૧૧ વાગ્યે શરુ થયો અને લગભગ ૧ વગ્યે અમે વાડીએ પહોચ્યા. બપોરના ધોમ-ધખતા તાપમાં અમે મન મૂકીને નાચેલા એટલે થાકી ગયેલા. જમવાની ત્રેવડ હતી નહીં પણ જમણવાર શરુ થઈ ગયેલો.

અમે બધા ખુરશીઓને વર્તુળમા ગોઠવી બેઠા. પીરસણીયો છોકરો જે રસની ડોલ લઈને જઈ રહ્યો હતો એને બોલાવ્યો. ડોલ અમે રાખી અને બધાએ વાટકા ભરી ભરીને રસ જ પીધો, બાકી વાનગીઓ સામે કોઈએ જોયુ પણ નહી.

રિલાયન્સમા નોકરી કરી ત્યારે સદનસીબે રિફાઇનરીમાં આવેલ “હીરાબાગ” જોવાનો લ્હાવો મળેલ. અહીંયા લગભગ ૮૦- ૧૦૦ જાતની કેરીઓ આધુનીક પદ્ધતિથી ઉછેરવામાં આવે છે.

૬ વર્ષ રિલાયન્સમાં નોકરી કરી ત્યાં સુધી રિલાયન્સની કેસર અને હાફુસ કેરીઓ માણી છે.

मैने रिलायन्स का नमक भी खाया है और आम भी ।

ચેન્નઈ આવ્યો ત્યારે પ્રખ્યાત કસ્તુરી કેરી ચાખવા મળી. ફળ મોટુ અને સરસ હોય. ચેન્નઈથી નોયડા આવ્યો અને હાલ અહીં ઉત્તરપ્રદેશની પ્રખ્યાત દશહરી ચાખવા મળે છે.

દશહરી અત્યંત મીઠી, પણ સુગંધ ન મળે એટલે આપણા લોકોને ન પણ ભાવે. એ સિવાય ગોલા અને લંગડો પણ વિપુલ પ્રમાણમા જોવા મળે. મારા (અને મારી પત્નીના) કેસર કેરી પ્રત્યેના પ્રેમને લીધે અમને અહીં મોલમા કેસર કેરી મળી રહે છે. હાલ પણ ત્રણથી ચાર વાટકા તો રસ જોઈએ જ, તો જ દિલને એમ લાગે કે રસ પીધો. કેરી ખરીદવા જાઉં ત્યારે મને એવુ લાગે કે કેરી જાણે મને જોઈને ગાઈ રહી છે, “मेरा नाम केरी है, केरी तो सै टका तेरी है।”

અને તુરત જ મારી પત્ની મને અટકાવે કે બસ ૩ કિલો જેટલી થઈ ગઈ હશે. (અહીં પેટી મળતી નથી.) ૪-૫ દિવસ પછી ફરી આવીશું.

આમ ને આમ “આમ”ની મૌસમનો હું આનંદ ઉઠાવુ છું. “આમ”ની મૌસમ ગયા બાદ મને ભોજન “આમ” લાગે છે. એમાંથી મારો “રસ” ઉડી જાય છે અને ફરી હું મે મહિનાની રાહ જોવા લાગું છું.

– ગોપાલ ખેતાણી
હાલ નોયડા.


48 thoughts on “મારો કેરીમાં “રસ” – ગોપાલ ખેતાણી

  • Chean

    કેરિ નહિ ખાઈને આનન્દ મેળ્વ્યો. ડાયાબિટિઝ વાળા માટે આ જ સારુ.

  • SAMRAT BAROT

    VERY NICE ..GOPAL…NOW I UNDERSTOOD WHY YOU ARE SO SWEET?? BECAUSE OF TERE ROM ROM ME HEIN AAM KA SWAD..
    KEEP WRITING SUCH INTERSTING TOPICS…

    • gopal khetani

      હા હા હા.. સમ્રાટ, ખુબ સરસ પ્રતિભાવ મિત્ર. આભાર.

  • Soham Jobanputra

    Really excellent article, remind me my old days enjoying mango
    Great Gopal! Really appreciated

    • gopal khetani

      આભાર સોહમ, બાળપણ ની સોનેરી યાદો કેશર કેરી સંગ મધુર બની જતી હોય છે .. નહીં !!?

    • gopal khetani

      આભાર બહેન.. અક્ષરનાદ પર અન્ય લેખ પણ વાંચતા રહેજો.

    • gopal khetani

      આભાર ધવલ, ભાવનગર યાદ આવ્યુ હશે એવી આશા રાખુ છુ.

  • Purvang Lad

    ગોપાલ મજા પડી ગઇ. લેખ વાંચી ગણો આનંદ થયો, વાંચ્યા પછી હ્રુદય મા અક્ષર નાદ થયો ને 5 વાટકી કેરી નો રસ ગટ ગટાવી ગયો. તને ખૂબ ખૂબ અભિનંદન.

    • gopal khetani

      વાહ પુર્વાંગ, આવો નાદ નિરંતર થતો રહે એવી જ શુભેચ્છા. આભાર સુંદર પ્રતિભાવ બદલ.

  • Amrish sachdev

    Truly said that we gujaratis eat KESAR with so much passion and all other breeds of mangoes are secondary…. And in gujarat we still enjoying KESAR’s pleasure…..

    • gopal khetani

      કેશર માટે તો આપણૅ કાશ્મીરી કેસર ને પણ બાજુ મા મુકી દઇએ. આભાર અમરીષ જી !

  • Biren

    Nice n beautiful one just thinking about the days of our childhood, may our children also have feeling of the same,

    • gopal khetani

      ચોક્ક્સ બિરેન, કેશર કેરી ઓએ રહેશે ત્યા સુધી લાભ દરેક પેઢી ને મળશે જ. આભાર.

  • Raju

    ખુબ સારુ લેખન છે ગોપાલ ભાઇ નુ…. સફલતા મળૅ એ પ્રાર્થાના.
    તારો મિત્ર રાજુ….

    • gopal khetani

      રાજુ, ખુબ ખુબ આભાર. અક્ષરનાદ ઓસ્ટ્રેલીયા મા પણ વાંચતો રહીશ અવી આશા.

  • PAnkaj Mishra

    ખુબ સરસ લેખ્.

    વાત એક્દમ સાચેી કે કેરેી ન રસ વગર ભોજન મ રસ ના પડે.

    • gopal khetani

      આભાર પંકજ ભાઇ, આપે આ લેખ મા “રસ” લિધો એ બદલ.

    • gopal khetani

      આભાર જયેશભાઇ, બાળપણ ની યાદો સુમધુર હોય છે, એક્દમ કેશર કેરી જેવી.

  • Darshan Gandhi

    Absolutely refreshing and classy article. My best wishes are with u to achieve more and more success.
    Also I would personally thank u for referring to my bro’s marriage incident in Ur outstanding article.

    • gopal khetani

      દર્શન, ખુબ ખુબ આભાર, પ્રતિભાવ અને શુભેચ્છા માટે. હરી ના લગ્ન મા જે “રસ” માણ્યો એ તો કેમ ભુલાય !

Comments are closed.