૧.
મારગ લાંબો પગમાં છાલાં,
જાત્રા થાશે રોચક વ્હાલા.
ફૂલો ખીલ્યા છે કંઈ એવા,
રહી ગઈ બાજુ પર જપમાલા.
સાત નગરના સ્વામીને પણ
કોળિયાના કાં પડ્યા લાલા?
હક માટે પણ નિત કરવાના
‘ટેબલ’ પાસે કાલાવાલા!
મારગ એનો પળમાં ખૂટે,
ચાલે જેઓ ઠાલેઠાલાં.
અંગુલિઓ અંધ થઈ એવી,
કપાસ છોડી વીણે કાલાં.
કૃષ્ણ જનમની વાટ જુએ છે,
કારાગાર તણાં સૌ તાલા.
૨.
હાથમાં તો વેદ રાખો છો તમે,
ને હ્રદયમાં ભેદ રાખો છો તમે.
જે ગુમાવ્યું એ તમારું ક્યાં હતું?
આટલો કાં ખેદ રાખો છો તમે?
ચાંગળું જળ તો કદી આપ્યું નથી,
સિંદુની ઉમ્મેદ રાખો છો તમે?
થાવ છો ક્યાં વ્યક્ત ખુલીને કદી,
કેટલુંયે કેદ રાખો છો તમે.
પાત્ર તો એણૅ દીધું અમૃત ભરી,
પાડીને કાં છેદ રાખો છો તમે?
૩.
રણમાં ઝરણાની સમાધિ પણ મળે,
ને નદીમાંથી વિરાની પણ મળે.
અવગણો છો નેસડો સમજી તમે
એના કણકણમાંથી કાશી પણ મળે.
જેમની ગણના શરીફમાં થાય છે,
એના ઘરમાંથી બુકાની પણ મળે.
એકલો બિન્ધાસ્ત ચાલી નીકળે,
માર્ગની એને સલામી પણ મળે.
માળિયું ફંફોસતા ફંફોસતા,
કૈં વરસ જૂની કહાની પણ મળે.
ધૂળમાં બેઠો ભલે ‘રાકેશ’ એ
કાલ એને રાજગાદી પણ મળે.
– રાકેશ હાંસલિયા
ગત મહીને રાજકોટમાં જેટલો આનંદ રાકેશભાઈને મળીને, તેમના પુસ્તક સંગ્રહને જોઈને અને ખાસ તો તેમના સરળ સ્વભાવને લીધે તેમની સાથેની વાતોએ આપ્યો એ અવર્ણનીય છે. આજે પ્રસ્તુત છે તેમની વધુ ત્રણ સુંદર, છંદની પૂર્ણ શિસ્તમાં લખાયેલી, સાદ્યાંત માણવાલાયક ગઝલરચનાઓ. અક્ષરનાદને આ સુંદર રચનાઓ પાઠવવા અને પ્રસ્તુત કરવાની તક આપવા બદલ શ્રી રાકેશભાઈ હાંસલિયાનો ખૂબ આભાર અને શુભકામનાઓ.
સરસ ગઝલ રચનાઓ કાબિીલેદાદ રાકેશભાઇ
Very NIce !
ત્રણે ગઝલો જાનદાર છે!
રાકેશભાઈને અભિનંદન!!
— સુધીર પટેલ.
v nice
સુંદર રચનાઓ…આપતા રહો બસ આ જ રીતે…ભલેને ગમે તેટલો સમય વીતે! – હદ.
ગાગરમાં સાગર ભરવાની ને વીજળીના ઝબકારે
મોતીડાં પરોવવાની કળા હાંસલ કરી રાકેશભાઈ!!!
I enjoyed it and it is worth enjoying as it gives pleasure to a reader as it represents human heart.
સુઁદર સુઁદર…….
નવી પેઢીના તેજસ્વી ગઝલકાર … ઉમદા વ્યક્તિ ..
સરસ ગઝલો ત્રણેય !!
જય હો ….
મને રાકેશભઈનેી રચનાઓ હમેશા ગમી છે.
ત્રણે ગઝલો ખુબ સુંદર છે. અભિનંદન.
રાકેશભાઈ;
સુંદર રચના. ખુબ ગમી.
સરસ રચનાઓ,કવિશ્રીને અભિનદન્
ભાઈ રાકેશ હાન્સલિઆ સદાબહાર નિવદેલા શાયર તરિકે પ્રસ્થાપિત થઈ ચુક્યા ચ્હે , એમ્નિ વિશેશતા ‘ જેતલા સરલ તેતલા જ ઉન્દા ‘
ગુજરાતિ ગઝલ્ને એઓ નવા નવા સિમાદા બતાવિ રહ્યા ચ્હે તેનિ નોન્ધ લેતા હરખ થાય ચ્હે – અશ્વિન દેસાઈ ઓસ્ત્રેલિયા
Very nice.