પ્રેમ નામે ગ્રંથનો ફેલાવ વધવો જોઈએ,
પ્રત કદી ખૂટી પડે તો સંસ્કરણ કરતા રહો.
– હિતેન આનંદપરા
હ્રદયનો સાથ હોય તો રિવાજ અન્ય છોડ તું,
રમેશ પાંપણોથી પણ અહીં પ્રણામ થાય છે.
– રમેશ પારેખ
તારું નામ લીધું તો વચ્ચેથી
આપમેળે ખસી ગઈ દુનિયા.
– નૂરી પોરબંદરી
થીજી ગયેલા શહેરમાં તડકાને વેચવા,
ઊંચકીને સૂર્ય કોઈ નીકળતા નથી.
– સાદિક કાદરી
ઘવાયો છે અહં સૂરજનો કેવળ એ જ બીના પર,
રઝળતા આદમીએ ભરબપોરે ચાંદની માંગી.
– અગમ પાલનપુરી
તારાથી છે વિશેષ છતાં પામવા તને,
મૂકી દીધું છે હોડમાં મારું સ્વમાન પણ.
= કૈલાસ પંડિત
જ્યાં સૂકાવા નાંખી એણે ઓઢણી,
લીમડાની ડાળ મીઠી થઈ ગઈ.
– અદમ ટંકારવી
ઠોકર અસંખ્ય મારી હું સીધું કરી દઈશ,
હદથી વધુ નસીબ જો મુજને સતાવશે.
– જલન માતરી
સલ્તનત છે કલમની-શાહીની,
અમને આદત છે બાદશાહીની.
– નિર્મિશ ઠાકર
જીવનના અંતે ઈશ્વર કે જન્નત જેવું હો કે ના હો,
બસ સ્વયંવર જીતી લીધો, વરમાળાની ઐસી તૈસી
– અશરફ ડબાવાળા
આવાસ દોમદોમ અનાયાસ થઈ ગયો,
વર્તુળની વચાળે સીધો વ્યાસ થઈ ગયો.
– ફારુક શાહ
શબ્દ, ઉર્મિ, રંગ, સૌરભ તેજ ને થોડી ભીનાશ,
લ્યો, અમે બેસી ગઝલની પાલખીમાં નીકળ્યા.
– ભગવતીકુમાર શર્મા
પગરવોની શક્યતા ડમરી બની ઉડ્યા કરે,
પાંપણોની પાદરે ભીનાશનું રણ સંભવે.
– સંદીપ ભાટિયા
કદી કોઈથી એ ન જાણી શકાયું,
રહે આંખમાં એક આંસુ પરાયું.
– વિમલ અગ્રાવત
મળવાનું હોય તો એ સમય પર મળે તો ઠીક,
નહીંતર દયાના રૂપે મહોબ્બત અનુભવાય.
– ગુલામ અબ્બાસ ‘નાશાદ’
ભીતરે છે ભાર ઈચ્છાનો કહેવાનો સમય ક્યાં છે?
આવવા દે કોઈ અવસર ખૂબ લાંબી વારતા છે.
– બી. કે. રાઠોડ
જે ઉઠ્યું તોફાન ભીતર, નોંધ એની ક્યાં મળે ?
સહેજ બસ નયનો ઢળ્યાંની નોંધ તો લીધી હશે.
– સુધીર પટેલ
આજે પ્રસ્તુત છે વિવિધ સંદર્ભોમાંથી મેળવેલા અને મને ગમતાં શે’રોનું એક નાનકડું સંકલન. આ શે’ર સંકલન વિવિધ વિષયોને આવરી લે છે અને વિવિધ ગઝલકારોના શે’ર અહીં સાભાર લીધાં છે. ક્યાંક વસંતનો વૈભવ તો ક્યાંક તૂટેલા હૈયાની વેદના, વિષયવૈવિધ્ય પણ આપોઆપ જળવાયું છે.
કદી કોઈથી એ ન જાણી શકાયું,
રહે આંખમાં એક આંસુ પરાયું…..ખુબ જ બારીકાઇ પૂર્વક,,,હ્રીદયસ્પર્શી..આલેખન ,,,,અભિનંદન .
ઘવાયો છે અહં સૂરજનો કેવળ એ જ બીના પર,
રઝળતા આદમીએ ભરબપોરે ચાંદની માંગી.
– અગમ પાલનપુરી
good one …
સુંદર સ-ઉદ્દેશ સંકલન.
વાહ… વાહ સરસ
સંદર સંકલન !
વાહ… વાહ!!ખુબ જ સરળ અને વૈધક..ગઝલ
વાહ… વાહ
સુભાનલાહ……
Krutine Audio sathe poet na swar madhura aawaj ma sambhalvani maza aanand koi vishesh hashe. Prayatna kari juo.
Audio clip SugamSangeet.net ne Mokli aapsho .
Kantipatel
Oshawa
Canada