જીવનતો ખૂબ માણ્યું, આ મૃત્યુની મજા લઇએ,
હવે મન થાય છે કે આપણે અહીંથી જતા રહીએ.
જરૂરતનું અમારે જોઇએ કે માનવી છઇએ,
અમે પેગમ્બરો થોડા છઇએ કે ઠોકરો ખાઇએ?
તમારી મહેરબાની એવી વરસી ગઇ કે ગળે આવ્યા,
હવે મન થાય છે કે તમને પકડી ફાંસીએ દઇએ.
હકૂમતને તમે લાયક નથી તેથી વિચાર્યું છે.
લઇને હાથમાં કાનૂન સીધા આથડી લઇએ.
ફરક તેથી શું પડવાનો અમારા હાલમાં યા’રબ
તને માલિક કહીએ કે પછી તુજને ખુદા કહીએ.
નથી રહી આ જહાં જીવનને લાયક ઓ ‘જલન’ તેથી
છે એમાં આપણી શોભા કે વેળાસર જતી રહીએ.
– જલન માતરી
pls pls send this gazal on my id pls
ફર્ક તેથી શું પડવાનો અમારા હાલ માં યા’ રબ,
તને માલિક કહીએ કે પછી તુજને ખુદા કહીએ……..અદભુત…રચના….
જલનસાહેબની આગવી શૈલીનું સુંદર નજરાણું.
બહુ ગમી આ ગઝલ.
સુંદર ગઝલ… ગમી !
જીવનતો ખૂબ માણ્યું, આ મૃત્યુની મજા લઇએ,
હવે મન થાય છે કે આપણે અહીંથી જતા રહીએ.
આમ તો ગઝલના તમામ શેર કાબિલે તારીફ છે પણ આ શેર વધુ ગમ્યો. મૃત્યુની મજા માણવાની વાત કોઈક વિરલા જ કરી શકે. ખૂબ સરસ ગઝલ.