હોઠ મલકે તો મોટી મહેરબાની
સાજન, થોડો મીઠો લાગે;
તારી સંગાથે પ્રેમનો અજાણ્યો
મુલક ક્યાંક દીઠો લાગે !
સંગાથે હોય ત્યારે અટવાતાં ચાલીએ
કે એકલાનો રાહ એકધારો,
મઝધારે મ્હાલવાનો મોકો મળ્યો, તો
ભલે આઘો ઠેલાય આ કિનારો !
મધમીઠો નેહ તારો માણું
સંસાર આ અજીઠો લાગે.
રાત આખી સૂતો ક્યાં સૂરજ સવારે
એની આંખમાં ઉજાગરાની લાલી
લથડીને ચાલતી આ ચંચલ હવાનો હાથ
ઊઘડેલા ફૂલે લીધો ઝાલી;
તારી આ આંખના ઉજાગરાનો
છલકાતો રંગ જો મજીઠો લાગે !
– હરિન્દ્ર દવે
ગઈકાલે દૂરના એક સગાંના લગ્નમાં મહુવાથી સોમનાથ જતા રસ્તામાં અસંખ્ય લગ્નો થતાં, જાન જતી અને આવતી જોઈ અને આજે પણ અસંખ્ય યુગલો લગ્નના પવિત્ર બંધનમાં એકબીજાનો હાથ ઝાલીને બંધાશે, જીવનભર સાથે ચાલવાના વચન સાથે પ્રેમનો એક નવો અધ્યાય શરૂ થશે. આ સમયે એ સર્વે નવપરણિતોને શ્રી હરિન્દ્ર દવેનું ઉપરોક્ત ગીત, ‘હોઠ મલકે તો મોટી મહેરબાની સાજન, થોડો મીઠો લાગે; તારી સંગાથે પ્રેમનો અજાણ્યો મુલક ક્યાંક દીઠો લાગે !’ મદદરૂપ થશે.
ખુબ સરસ અભિવ્યતી કવિશ્રી હરીન્દ્ર દવેને શ્રધ્ધાસુમન………
ખુબ સ્રરસ લાગ્યુ
સુંદર શાળ્બોથી શણગારેલું પ્રેમથી છલકાતું રમણીય કાવ્ય
બહુ સુંદર કવિતા છે.
મઝ્ધારે મ્હાલવાનો…………..પન્ક્તિ ખુબ ગમી
સાજન નિ કવિતા મસ્ત લાગિ
સાજન સાથ એટલે આપણિ પુરણ્તા.
જ્યારે સાજન સાથે ન હોય ત્યારે સાજનના સાથ ની યાદો મીઠી લાગે.
ખરેખર સાજન જ્યારે સથે હોય અને ખાસ કરિને જો રિસયેલો હોય તો ખુબ મિઠઓ લાગે.