આપણા અબોલાથી ઝૂર્યા કરે… – મેઘબિંદુ 14


જનમો જનમની આપણી સગાઈ
હવે શોધે છે સમજણની કેડી,
આપણા અબોલાથી ઝૂર્યા કરે છે,
હવે આપણે સજાવેલી મેડી.

બોલાયેલ શબ્દોના સરવાળા બાદબાકી
કરતું રહ્યું છે આ મન,
પ્રત્યેક વાતમાં સોગંદ લેવા પડે
કેવું છે આપણું જીવન !
મંઝિલ દેખાય ને હું તો ચાલવા લાગું
ત્યાં વિસ્તરતી જાય છે આ કેડી,
આપણા અબોલાથી ઝૂર્યા કરે છે,
હવે આપણે સજાવેલી મેડી.

રંગીન ફૂલોને મેં ગોઠવી દીધાં છે
તેથી ખીલેલા લાગે છે આ બાગ
ટહુકાને માંડ માંડ ગોઠવી શક્યો પણ
ખરી પડ્યો એનો ય રાગ
ઉડતાં પતંગિયાંઓ પૂછે છે ફૂલને
તારી સુગંધને ક્યાં વેરી ?
આપણા અબોલાથી ઝૂર્યા કરે છે,
હવે આપણે સજાવેલી મેડી.

– મેઘબિંદુ

બિલિપત્ર

સખી અત્તરની શીશીમાં મોહ્યા,
દૂરની સુગંધો પર માંડીને મીટ
અમે આંગણાના મોગરા ખોયા..
– સંદીપ ભાટીયા


આપનો પ્રતિભાવ આપો....

14 thoughts on “આપણા અબોલાથી ઝૂર્યા કરે… – મેઘબિંદુ

  • La'Kant

    મેઘબિંદુની અત્યંત પ્રશંશા પામેલી ક્રુતિઓમાની એક… મને પણ પસંદ !દામ્પત્યજીવનની એક હકીકત….લગભગ આવુ બનવુ સહજ સ્વાભાવિક !
    ‘કો-રિલેટ’ થૈ જાય….

  • hardik yagnik

    વાહ જિગ્નેશભાઇ , ઘણા વખતે કોલેજ કાળના યુથ ફેસ્ટિવલસની રાતે ભેગા મળીને થતી બેઠકની યાદ કરાવી દિધી તમે તો દોસ્ત….
    અદ્દભુત રચના.. અદ્દભુત શબ્દો … કયા બાત હે…………જલસો કરાવી દિધો બોસ્…

  • ashvin desai

    ભઐ મેઘબિન્દુનુ આ ગિત ઉત્તમ ગુજરાતિ ગિતોમા આગલિ હરોલમા બિરાજમાન થવાનિ સમ્પુર્ન ક્ષમતા ધરાવે ચ્હે
    બ્રુહદ ગુજરાત્મા ભાવક્નિ સવાર સુધારિ દે તે જ માપદન્દ ચ્હે
    તમને અને કવિને દિલિ ધન્યવાદ અને શુભેચ્ચ્હાઓ સાથે ,
    -અશ્વિન દેસાઈ ઓસ્ત્રેલિયા

  • Maheshchandra Naik Canada

    કવિશ્રી મેઘબિંદુની આ રચનાને સંગીતકાર ગાયક સુરોત્તમ પુરોશોત્તમ ઉપાધ્યાયને કંઠે સાંભળવી એ પણ એક લહાવો છે, આભાર,,,,,,,,,,,,,,,,,,,,,,

  • Maheshchandra Naik Canada

    કવિશ્રી મેઘબિંદુની આ રચના સુરોત્તમ પુરુશોત્તમ ઉપાધ્યાયને કંઠે સાંભળવી એ પણ એક લ્હાવો છે, આભાર