ભક્તિનો મર્મ
હરિભજનમાં ઝોકાં ખાતો
ઝટ શય્યામાં ભાગે
નાટકચેટક જોવા સારુ
અખંડ રાતો જાગે !
ગુરો તમે શું મ્હેણાં મારો?
થોથાં મૂકો આઘે
તમે ભક્તિનો મરમ ન જાણો
તેથી અવળું લાગે
નાટકમાં ના નીંદર આવે
વાગે હૈડે કાંટા;
કેમ કર્યા ના નેન બિડાયે
મારે મનડું આંટા
ફુલશય્યાનું સુખ સુંવાળુ
હરિભજનમાં ભાળું
ઉજાગરે શેં આંખો બાળું
પ્રેમે લોચન ઢાળું.
– બાલમુકુન્દ દવે
bhaktina marma mate ghanusunder geet. aabhar.
ભક્તિનો મર્મ જાણવો હોય તો પૌરાણિક રચનાઓ માણવી જરુરી હોય છે………………..આપનો આભાર………
સરસ !