બે ગઝલ… – ભાવિન ગોપાણી 11 comments


લગાગાગા લગાગાગા લગાગાગા લગાગાગા.

૧. આપો….

બુજાવે આ અગન તેવી અસરકારક દવા આપો,
નહીતર રાખ કરવામાં મદદકારક હવા આપો.

પડે લેવી સમાનપણે બંનેની કાળજી કાયમ,
નવા આપો હરીફો કે પછી મિત્રો નવા આપો.

કહે છે કોણ? ઘડપણ સમય ની સાથે જ આવે છે,
શરીરો ઘડપણ નહી પામે જો વિચારો જવાં આપો.

ખુદા તારી મહેફીલે ઉઠાવી હાથ શું માંગું ?
કહેવાનો સદા એમ જ ખુદા આપો ખુદા આપો .

જે ઉલફતમાં કફન બાંધી ફના જ થવા પ્રવેશે છે,
દવા તેની નથી કોઈ ખરા દિલથી દુઆ આપો .

તરસથી સળગતી આખી સફર પાર કરનારા ને,
ન આપો જો તળાવ – નદી ફક્ત થોડા કુવા આપો.

નહી ચાલે હવે આપ નું ફક્ત એક જ નજર જોવું,
નજર આપો અહી જયારે સતત આપો સદા આપો..

“ભાવ” – ૧૦/૦૭/૨૦૧૨

ગાલગાગા લગાલગા ગાલગાગા લગાલગા.

૨.

છાંવમાં બેસવાની જો ગલત આદત પડે નહી,
તો કદી તાપમાંય ખુદને મુસીબત પડે નહી.

છાંટ કાદવની સતત દેખાય મોહક કમળ ઉપર,
કોણ આથી કહે કે? મિત્રોની સોબત પડે નહી.

ઉઘડતા જ્યાં નથી સદા દ્વાર મતલબ ગરજ વગર ,
તે નગરમાં કદી અમારેય નિસ્બત પડે નહી.

શોધ કરું છુ નજૂમી ની ધારણા જે કરે નહી,
સાંભળવુ છે વિધાન મારે બસ ગલત પડે નહી.

તેટલા હેતુ થી અમે શોખ કોઈ નથી કર્યા,
ક્યાંક આગળ વધી અને તેની આદત પડે નહી.

હું તમારો ચહેરો જોયા કરું કદર છે મને,
આ કદર નું ય નામ જો જો મહોબત પડે નહીં.

“ભાવ” – ૨/૫/૨૦૦૨

– ભાવિનભાઈ ગોપાણી

અમદાવાદના શ્રી ભાવિનભાઈ ગોપાણીની અક્ષરનાદ પર આ પ્રથમ બે રચનાઓ છે. તેમની ગઝલો આજે આપના પ્રતિભાવો માટે પ્રસ્તુત છે. અક્ષરનાદને આ ગઝલો પાઠવવા બદલ શ્રી ભાવિનભાઈનો ખૂબ ખૂબ આભાર અને શુભકામનાઓ.


11 thoughts on “બે ગઝલ… – ભાવિન ગોપાણી

  • Keyur M. Doshi

    Very well thought & written – as usual. Many congratulations. It’s really refreshing to see that you have this tremendous power of imagination and to be able to put those in words to convey to us. Really great.

  • harsh shah

    Its always a great pleasure to see my brother’s creativity of gujarati ghazal…it always add some emotional moral values to my life…heartly congratulate to him …may god give you all succeess in this field and you will shine like a star in gujarati ghazal culture.

  • kailash gopani

    વાહ ,,,,સરસ ગઝલ અને આ બ્લોગ પણ સરસ છે …

    બીજી ગઝલ પોસ્ટ કરવા વિનંતી …..

  • SHAIVAL SHAH

    I wish you a hearty Congratulations on this pleasant occasion. May your life always shower you with such happy and successful moments. Well done. Congratulations.

  • CHIRAG RAVAL

    ભાવિન ભાઈ તમારી ગઝલ વાંચી ને ખુબ આનંદ થયો … ખાસ કરી ને ,,,પડે લેવી સમાનપણે ….વાળી પંક્તિ ખુબ જ ગમી …..આગળ લખવા માટે શુભકામનાઓ ………

  • gbhegani

    આપ્નિ ઘઝલો વન્ચિ અને મારા દિલ મા બહુજ ખુશિ પેદા થૈ ચ્હે , ઘનોજ આભાર ફરિથિ સરસ ઘઝલો લખ્તા રહેશો જિ .
    લિ. ગુલામ ભેગાનિ

Comments are closed.