અક્ષરનાદ તરફથી પ્રથમ પુસ્તક…. 51 comments


આદરણીય મિત્રો,

વ્યવસાયની વ્યસ્તતાઓ, પારિવારીક કાર્યો અને અક્ષરનાદ પર રોજની પોસ્ટ, એમ ત્રિપાંખીયા વ્યૂહની વચ્ચે એક નવી વાત – કહો કે સ્વપ્ન શક્ય થવા જઈ રહ્યું છે જેનો મને ખૂબ ઉત્સાહ છે – અને આશા છે કે આપ સૌનો પણ એવો જ આશિર્વાદ, શુભેચ્છાઓ અને પ્રતિસાદ હશે.

પ્રસ્તુત થવા જઈ રહ્યું છે અક્ષરનાદ તરફથી પ્રથમ પુસ્તક ‘૨૫૧ ઉપયોગી અને અનોખી વેબસાઈટ્સ – સંકલન : જીજ્ઞેશ અધ્યારૂ’ – પુસ્તક હજુ તૈયાર કરાઈ રહ્યું છે અને ટૂંક સમયમાં આપ સૌ સમક્ષ ઉપલબ્ધ થશે.

Proposed title page 1

પ્રથમ પુસ્તકનો વિષય સાહિત્યિક નથી એમ ઘણા મિત્રોની ફરિયાદ છે – અને એ વિશે મારે કાંઈ કહેવાપણું રહેતું નથી, પ્રથમ વિચાર આવેલો અક્ષરનાદની જ શ્રેણીને આગળ વધારીને, તેમા ઉંડે ઉતરીને તેને જ પુસ્તક સ્વરૂપે પ્રસ્તુત કરવાનો અને એ જ વિચારને વળગી રહ્યો છું. અન્ય વિકલ્પો વિશે ભવિષ્યમાં વિચારીશું.

‘Know More ઈન્ટરનેટ’ એ અક્ષરનાદની સૌથી વધુ વંચાતી – વખણાયેલી અને સ્નેહ પામેલી, અવનવી વેબસાઈટ્સ અને ઉપયોગી એપ્લિકેશન્સ વિશે ટૂંકમાં જણાવતી, વિવિધ વિષયરસ સાથેની વેબસાઈટ્સ તથા નાનકડા સોફ્ટવેર વિશે – તેમની બહુઆયામી ઉપયોગીતા વિશે ખૂબ જ ટૂંકમાં વર્ણવતી શ્રેણી હવે પુસ્તક સ્વરૂપે પ્રસિદ્ધ થવા જઈ રહી છે.

લાઈફહેકર વેબસાઈટ પર પ્રસ્તુત થતી અવનવી વેબસાઈટ્સ વિશેની માહિતિ, મેકયૂઝઓફ પર પ્રસ્તુત થતી ઉપયોગી એપ્લિકેશન્સ વિશેની શ્રેણી અને સતત ઈન્ટરનેટ સર્ફિંગની, અક્ષરનાદને સતત નવી રીતોથી વધુ વાચકમિત્ર (Reader Friendly) – વધુ સરળ છતાં સમૃદ્ધ બનાવવાની મહેનતને લીધે, એક અથવા બીજા કારણસર – મિત્રો, સહકર્મચારીઓ અને વાચકમિત્રો માટે જરૂરી માહિતી વગેરે શોધ્યા કરવાની ટેવ, વ્યવસાયને લીધે ડાઉનલોડ કરવા માટે ઈ-પુસ્તકો / સોફ્ટવેર / ફોરમ્સ વગેરેમાં સતત ભાગ લીધા કરવાને લીધે એકઠી થયેલી માહિતિને વહેઁચતા આ શ્રેણી શરૂ કરવાનો વિચાર આવેલો. એ વિચારનું મૂર્ત સ્વરૂપ 9 ફેબ્રુઆરી 2008ના રોજ આ શ્રેણી ‘કેટલીક ઉપયોગી વેબસાઈટ્સ’ના પ્રથમ અંક તરીકે રજૂ થયું. ત્યારથી આ શ્રેણી તથા તેને લગતા લેખ એમ થઈને કુલ 36 લેખો – મણકાઓ થયા છે. એ પછી પુસ્તકના વિચારે એ શ્રેણી અટકાવીને સમગ્ર ધ્યાન પુસ્તક પર કેન્દ્રિત કર્યું. છેલ્લા થોડાક વખતથી અક્ષરનાદ પર લેખોની અનિયમિતતા પણ આ જ કારણે છે.

Title page Option 2

ગુજરાતી ભાષામાં પ્રસ્તુત થતા ઈન્ટરનેટને લગતા પુસ્તકોનું વર્ચસ્વ નહિવત છે. પ્રોગ્રામિંગ અથવા સોફ્ટવેર વિશે પ્રસ્તુત થતા પુસ્તકો અંગ્રેજીમાં હોય તે જ જરૂરી અને સગવડભર્યું ગણાય, પરંતુ ઈન્ટરનેટને સમજવા અથવા વધુ સરળતાથી તેનો ઉપયોગ કરવા આપણી પોતીકી ભાષાના માધ્યમને કેમ અવગણાઈ રહ્યું છે એ મારી સમજની બહાર છે – અત્રે વિશેષ ઉલ્લેખનીય છે કે શ્રી હિમાંશુભાઈ કીકાણી સાયબરસફર સામયિકના માધ્યમથી અને શ્રી વિશાલભાઈ મોણપરા તેમની પ્રોગ્રામિંગ આવડતનો ઉપયોગ કરીને ગુજરાતી ટાઈપની વિવિધ સુવિધાઓ ઉપલબ્ધ કરાવવાની નેમ લઈને એ કામ કરી જ રહ્યા છે.

પુસ્તક પરિકલ્પના – લેખન – પ્રકાશન અને વેચાણ એ બહુઆયામી અને અતિશય મહેનત માંગી લેતું ક્ષેત્ર છે. નવા નિશાળીયા હોવાને લીધે આ વિચારને સૌપ્રથમ પ્રતિભાવ માટે મિત્રોમાં વહેતો મૂકેલો એ પ્રતિભાઓ દ્વારા મળેલ પ્રોત્સાહન આ પુસ્તકના પાયામાં છે. પુસ્તક માટે વિચારાયેલ બે મુખપૃષ્ઠ પણ અત્રે મૂક્યા છે – અને એ ક્ષેત્રમાં પણ ઘણા મિત્રો મદદ કરી રહ્યા છે, સહભાવકો – મદદ કરવા માંગતા દરેકનું હાર્દિક સ્વાગત છે.

આ આખી સફર મિત્રો સાથે જાતે જ કરવી છે – મુખપૃષ્ઠ ડીઝાઈન હોય, છાપણી હોય, પબ્લિસીટી હોય કે વેચાણ… બધું જાતે કરવું છે. અને સહ્રદય મિત્રોનો સાથ તો મળવો શરૂ પણ થઈ ગયો છે. હાથ – ન કરે નારાયણ ને – જો દાઝશે તો – એ જલન કમસેકમ પોતાના જ તણખાની આપેલી હશે…

હજુ લેખનના મધ્ય તબક્કામાં ચાલી રહેલ આ પુસ્તકની વિકાસ સફર આપ સૌ સાથે સતત થતી રહેશે – એ વિશેની વધુ માહિતિ તથા તેની વિગતો અત્રે સમયાંતરે ઉપલબ્ધ થતી જ રહેશે. અક્ષરનાદના પરિવાર સિવાય અમારું માનસ અસ્તિત્વ કેટલું?

આપ સૌના આશિર્વાદ – શુભેચ્છાઓની અપેક્ષામાં…

– જીજ્ઞેશ અધ્યારૂ

તા.ક. – આ માનસપુત્રના જન્મની જાહેરાત કરી રહ્યો છું ત્યારે સદનસીબે આજે અમારા પુત્ર ક્વચિતનો પ્રથમ જન્મદિવસ છે.


51 thoughts on “અક્ષરનાદ તરફથી પ્રથમ પુસ્તક….

  • Ramesh Patel

    માતૃભાષાને નેટ માધ્યમે ગૌરવ પ્રદાન કરતી આપ સૌની નવયુગી દેન …યશવંતી છે…પુસ્તક રૂપે સાહિત્યની દીપમાળા પ્રગટાવતા રહેશો.

    રમેશ પટેલ(આકાશદીપ)

  • Valibhai Musa

    માનસપુત્ર જન્મદિવસ મુબારક અને ક્વચિત્ ના પ્રથમ જન્મદિવસે હાર્દિક શુભેચ્છાઓ.

  • KETAN PARMAR

    ટેક્નોલોજી અને ભાષાને જોડવાનો સુન્દર કિમિયો.
    અભિનન્દન.

  • GOSAI PARIMAL GIRI GHANSHYAM GIRI

    PL INFORM ME FROM WHERE I CAN GET THIS BOOK.MY CELL NO 09426740650 .YOU CAN DO MASSAGE ON THIS CELL. THANKS

  • Jagdish patel

    हर बुक की PDF File होनी चाहिए क्योंकि जिससे डाउनलोड करने में आसानी हो और ज़्यादा MB की जरुरत ना पड़े क्योंकी फ़ोन में उससे जगह कम होगी तोभी चलेगा

  • gajanand trivedi

    પુસ્તક પ્રગત્ત ક્યઆરેય કર્શો.

  • mahendra mangukiya

    આ પુસ્તક દાઉન્લોદ કરવા શુ કરવુ ક્રુપા કરિ માર્ગદર્શન આપજો

  • R.M.Amodwala

    many many returns of day…….to dear KWachit

    awiting for such outstanding informative book which will be shared in the interest of Mankind ….society as per your wisdom / knowledge / vision. it’s reflection will spread all over internet viewer .

  • yogeshbhatt

    I find your site very innovative informative and really makes us think of it and its the best. request pl also include some topics of vedic astrology along with literary articles .
    thanks

  • vijay joshi

    Jigneshbhai,
    Many heartfelt best wishes for producing a book on such a topical compilation. I always wonder when ever someone recommends me a site, why is it that there is no one source and lo and behold, you are it. Your efforts and hard word are really commendable. Thanks very much indeed.

  • M.D.Gandhi, U.S.A.

    થોડા વખતથી હું “અક્ષરનાદ”ની નિયમિત મુલાકાત લઈ રહ્યો છું, પણ આ વિષય ઉપર આજે પહેલી વાર આવ્યો છું. તમારા પુસ્તક પ્રકાશનના પ્રયાસ બદલ તમને અભિનંદન. મારી હાર્દિક શુભેચ્છા છે.

    તમારી વાત સાચી છે, પુસ્તક પ્રકાશન એ બહુ મહેનત, સમય અને ધન માંગી લેતું હોય છે. લગભગ ૬ મહિના પહેલાં તમે આ લેખ લખ્યો છે, તો કદાચ પુસ્તક રજું થઈ ગયું હશે. જો રજું થઈ ગયું હોય તો, અને થવાનું હોય તો ક્યારે અને કેમ મળશે તે મારે જાણવું છે. જો પુસ્તક તરીકે હોય તો મારે ખરીદવું છે. તો મને જરૂરથી સમાચાર જણાવશો.

    મનસુખલાલ ગાંધી
    mdgandhi21@hotmail.com

  • dilip

    jigubhai,moda moda kwachit ne aashirvaad.tamarathi savayo thay.. tame ghanij saras mahenat kari che.aabhar.hu ichcha rakhu chu ke aa site nu naam vare ghadiye news ma aave ane darek school ma pan ullekh thay.jethi teachers pan eeno upyog kare.. thanx.

    • jjugalkishor

      આગોતરા અભિનંદન અને શુભેચ્છાઓ સાથે….

      આ પ્રસંગ એક નવી શૃંખલારૂપ બની રહો !

  • જગદીશ વાટુકીયા

    જિગ્નૅશભાઇ તમારુ આ પુસ્તક ખુબ જ ઉપયોગી બનશે
    તમારી કામગીરી પ્રંશંસાપાત્ર છે……
    તમારા બ્લોગ ૫ણ વાંચવાની મજા આવી…….

  • Manubhai Raval

    આપના આ પુસ્તક ઇન્ટ્રરનેટ ના રસીયાઓ માટે ખુબ જ ઉપયોગી થશે. આવા
    સુંદર પુસ્તકના પ્રકાશન ની તૈયારીઓ માટે ખુબખુબ અભીનંદન

  • marmi kavi

    કવચિતના જન્મ દિવસ ખૂબ-ખૂબ અભિનંદન સાથો-સાથ પુસ્તકની
    સફળતા માટે શુભચ્છા…………………

  • dr.maulik shah

    ખૂબ ખૂબ અભિનંદન… આપના બંને પુત્રો ને આ તિથિએ…! ઘણૉ સારો વિષય અને વસ્તુ… મારા કુલ બે પુસ્તકો પ્રકાશિત થયેલા છે એ નાતે આ બાબતે તમારો સિનિયર કહેવાઉં…!? અને તે ધ્યાનમાં રાખી પ્રિંટ વિ. બાબતે કોઈ મદદ જરુર પડે તો ચર્ચા કરશો. ટાઈટલ પેજ હજુ વધુ આકર્ષક બનાવીએ તો વધુ સારુ…!

  • gajanand j. trivedi

    આભિનન્દન્.બે બસ ના કરશો. તમારિ પાસેથિ બહુ આપેક્ષા રાખિએ ચિએયે.આભાર્.

  • gajanand j. trivedi

    ાભિનન્દન્ બે બસ્ ના કર્શો.તમારિ પઆસેથિ વધઅરે અપેશ્ક્ષા ચ્હેી આભાર્

  • Kartik

    પુસ્તક અને કવચિત્ – બન્ને માટે અભિનંદન. તમે, PDF અને .mobi, .epub ફોરમેટમાં પુસ્તક પ્રકાશિત કરવાનું વિચારો છો? એટલિસ્ટ, PDF એ સરળ શરુઆત કરી શકાય.

    કિન્ડલ વગેરેમાં ટેસ્ટિંગ કરવું હોય તો એક ખોંખારો કરજો.

  • jjkishorj

    ક્વચિત્ માટે આમ એકાદ વાર (ક્વચિત્) જ ધન્યવાદ આપવાના ?! એને દરરોજ અભીનંદન આપશો…તમારા જેવા પિતા પ્રાપ્ત થવા બદલ !

    હું હંમેશાં કહેતો આવ્યો છું તેમ આજે પણ કહીશ કે મુ. રતિકાકા, વિશાલભાઈ, હિમાંશુભાઈ કીકાણી વગેરેએ જે સેવા કરી છે તેનું મુલ્ય આંકી શકાય તેમ નથી.

    તમે પણ એ ત્રણેયની યાદીમાં ક્યારના જોડાઈ જ ગયા છો. તમારી કેટલીય બાબતો નેટજગતની પહેલ તરીકે ઈતીહાસમાં યાદ રહેશે. તમારો પરીશ્રમ એળે તો નહીં જ જાય પણ સૌને આશીર્વાદરુપ બની રહેશે…તમારા કાર્ય માટે ધન્યવાદના શબ્દો ઓછા જ પડવાના.

  • Heena Parekh

    કવચિતને જન્મદિનના અભિનંદન. પુસ્તક પ્રકાશિત કરવાનો નિર્ણય યોગ્ય છે. આજ રીતે પ્રગતિ કરતા રહો એજ શુભેચ્છા.

  • Govind Maru

    કવચિત તેમજ આપના માનસપુત્રને જન્મ દીવસની હાર્દીક શુભેચ્છાઓ…

  • mohanlal patel

    HAPPY BIRTHDAY AND CONGRATULATIONS FOR BOOKS WITH BEST WISHES
    જન્મદિવસ ની શુભકામના અને પુસ્તકની પરિકલ્પના અભિનંદન

  • shailesh

    અભિનન્દન અપ્ન પુસ્તક અને ક્વચિત ન જન્મદિન નિ …….ખુબ ખુબ અગલ વધો ………..

  • HEMANT

    અભિનન્દન તમારા પુસ્તક માટૅ અને કવચિત ના જન્મદિવસ નિમિતે .

  • shaunak joshi

    વાહ….. જીગ્નેશભાઇ, ખુબ ખુબ અભિનન્દન………. આમજ સમાજ અને સાહિત્યનાં કાર્યો કરતા રહો… તેવી અભ્યર્થના…

  • dhaval soni

    ખુબ ખુબ અભિનંદન આપને અને ક્વચિતને પણ….

    આપની રોજબરોજની વ્યસ્ત્તાવાળી જિંદગીમાંથી પણ થોડો સમય નીકાળીને આપ વાચકમિત્રોને સરસ મજાની ઉપયોગી વેબસાઈટ અંગેની માહિતી આજ સુધી પીરસતા રહ્યા છો, હવે એ માહિતીનું સંકલન થઈને પુસ્તકરૂપે જો રસિકજનો સુધી પહોચે તો એથી વિશેષ આનંદ કયો હોઈ શકે! આશા છે કે એ પુસ્તકને અમારા સંગ્રહમાં સ્થાન આપવાનું જલ્દી બને!!

  • AksharNaad.com Post author

    પ્રિય અશોકભાઈ,

    મુદ્રણની સાથે સાથે કોમ્પ્યુટર તથા મોબાઈલ – ટેબલેટ – કિન્ડલ વગેરે ડિવાઈસમાં વાંચી શકાય તેવા સ્વરૂપે પણ પુસ્તક ઉપલબ્ધ કરાવવાનો પ્રયત્ન કરી રહ્યા છીએ. જો કે તેમાંથી ઘણા સ્વરૂપોમાં યુનિકોડની સમસ્યાઓ તો છે જ એ સાથે આમ અનેક સ્વરૂપે પુસ્તક ન છપાયા હોવાથી બિનઅનુભવી પ્રયાસ પણ બની રહ્યો છે. છતાંય મહત્તમ સ્વરૂપોમાં તેને ઉપલબ્ધ કરાવવાનો પ્રયાસ તો છે જ.

    આપની શુભેચ્છાઓ બદલ ખૂબ ખૂબ આભાર.

  • Ashok Vaishnav

    ક્વચિત અને તમને સૌને આ બેવડી યાદગાર પળ બદલ ખુબ ખુબ અભિનંદન.
    તમારા જેવા e-savvy યુવાન,સાહિત્ય સર્જકોપાસેથી અમારા જેવાઓને એક અપેક્ષા જરૂર રહે કે પુસ્તક પ્રકાશનનાં મુદ્રણ વિકલ્પની સાથે સાથે તેને વિવિધ ડીજીટલ સ્વરૂપે પણ પ્રકાશીત કરી અને વેચાણ પણ થાય. હું એ જરૂરથી સ્વિકારૂં છે કે મુદ્રીત પુસ્તક પ્રકાશનના પડકારોની સાથે પડકારોની એક નવી દિશા પણ ખોલવી એ કંઇ સહેલું કામ નથી. તેમ છતાં મારો અભિપ્રાય આ પ્રસંગે રજૂ કરવાની લાલચ રોકી પણ નથી શકતો તે દરગુજર કરશો.
    તમારી સર્જનાત્મક અને વ્યાવસાયિક સફળતાઓ હંમેશ નવી ઉંચાઇઓ સર કરતી રહે તેવી શુભેચ્છાઓ.

  • hiral

    અભિનન્દન ક્વચિત ને અને અક્શરનાદ ટેીમ ને અભિનન્દન અને શુભાશિશ .

  • vimala

    ક્વચિતને જન્મદિનનીશુભેચ્છાઓ.
    સાથે એના માતા-પિતાને પણ અભિનંદન, માનસ પુત્રને પણ શુભેચ્છાઓ.

  • alhajsaid

    આભાર અને વચિત ના જન્મ્ દિવસ મુબારક્ હો.

Comments are closed.