મારી દીકરી જ મારી ખુશી … – હિમાંશુ દવે 15 comments


વિશ્વવિજેતા બાપને ય બે જ આંસુડે…
પરાજિત કરતી
અને
એ જ બે આંસુડે લાગણીના પૂરમાં ભીંજવતી
એનું નામ દીકરી

રમતાં, કૂદતાં, હસતાં, તોફાન કરતાં,
એ જ દીકરી ક્યારે આનંદના આંસુડા વહાવતી
એની ય ખબર નથી રહેતી

પપ્પાનો જન્મદિવસ તો જાણે મહોત્સવ જ …!
સરપ્રાઈઝ ગિફ્ટ આપવા
છાનીમાની ….!!
પણ, બધાને ખબર હોય એવી તૈયારી કરતી

ટચૂકડાં જાતે બનાવેલા બર્થ ડે કાર્ડમાં
ગરબડીયા અક્ષરોથી
સમસ્ત વિશ્વનું વહાલ ભરતી

સ્કૂલમાંથી મળેન નાની પીપરમિન્ટ
સાચવીને, ડબ્બામાં, વ્હાલ્કુડા ભાઈલા માટે લાવતી
અને
પોતે પીપરમિન્ટના પીત્તરપાનાંની
ઢીંગલી બનાવી જ ખુશ થતી

વર્ષોથી સાચવેલાં રમકડાં
નાના ભાઈલાએ તોડ્યાનો અફસોસ કરતી
પણ તોયે
ફરી બધાં નવાં રમકડાં ભાઈલાને આપતી

ક્યારેક દીકરી, ક્યારેક મિત્ર,
તો ક્યારેક
માં બની
સમજાવતી તો ખીજાતી પણ ખરી
તું દીકરી

તું દીકરી
વહાલનો દરીયો
અને તું જ આનંદની ગંગોત્રી
ગંગા સાસરે વહી જશે
એની ચિંતામાં
રાત્રે સફાળો બેઠો મને કરતી

ઘરનો તારા વિના…
શૂન્યાવકાશ
મારી દીકરી જ મારી ખુશી …

– હિમાંશુ દવે

ગુજરાત ના ભાવનગરમાં જન્મેલા હિમાંશુ દવે, ૩૭ વર્ષના અને છેલ્લા ૧૦ વર્ષથી બેંગલોર સ્થાયી થયેલ છે. વ્યવસાયે મિકેનિકલ એન્જિનીયર અને એમ.બી.એ. – ફાઇનાન્સ, અત્યારે બેંગલોરમાં મલ્ટીનેશનલ કંપની માં ઉચ્ચ પદવી ઉપર કાર્યરત છે. ગુજરાતી કવિતા અને સાહિત્ય એ હિમાંશુ માટે શોખ, નિજાનંદ અને લાગણી વ્યક્ત્ત કરવાનુ શ્રેષ્ઠ માધ્યમ છે. ઉપરોક્ત કવિતા, પોતાની ૧૦ વર્ષની દીકરી – ખુશી, કે જે હાલમાં અમેરિકાના વેકેશન પ્રવાસે છે અને તેના જન્મદિવસે, તેની યાદ આવતા, એક પિતાની – દીકરીને આપેલ – જન્મદિવસની ભેંટ છે. તેમની કલમે આવી અનેક રચનાઓ આપણને મળતી રહે તેવી શુભકામનાઓ.

બિલિપત્ર

જમીન પર દીવાલ
દીવાલમાં બારી
બારી પર પડદો
અને
આકાશને ઝંખનારાં આપણે
– રેખા સરવૈયા


15 thoughts on “મારી દીકરી જ મારી ખુશી … – હિમાંશુ દવે

  • i.k.patel

    વાંચિ ને મારી દિકરી ખુશી ની યાદ આવી ગઈ ને આંખ માં થી ધાર વહેવા માંડી.

  • harin

    સરસ અભિવ્યક્તિ…મારી વહાલી દિકરી યાદ આવી ગઇ…
    આંખો છલકાઇ.

  • tilumati

    વાંચીને મારી વહાલી દિકરી યાદ આવી ગઇ. આંખો છલકાઇ ગઇ.

  • ghanshyam

    દિકરી તો મારા ઘરની ગંગોત્રી, એની લાગણીઓ સદાય ઘરના હ્રદયમાં વહેતી રહે.

  • kinneri thakkar

    HIMANSHU MAMA KAVITA BAHUJ FINE CHE REALLY ITS TOUCH TO HEART SPCIALLY THIS FELLINGS U FELL WHEN U GOT DAUGHTER

    VISHAL-KINNERI-AASHVI

  • DHRUV DAVE

    અભિનંદન હીમાંશુભાઇની કવિતાના ક્ષેત્રે પદાર્પણ કરવા માટે અને ખુશીબે’નને તેમની પ્રેરણા બનવા માટે
    ધ્રુવ – આરતી – નૈઋતી – આયુષી

  • Minal Dalal

    વાહ રે મોટા વાહ્. બહુ સુદર કવિતા છઍ. As Shefali has said above, we thought you could sing well but never new we had such a great Kavi amongst us. Keep writing.

  • Shefali

    ત્મ્ને સુરિલા ગિત ગાતા તો સુન્યા ચ્હે પન આટ્લિ સુન્દર કવિતા લખ્તા જોઇને ખુબ આનન્દ થયો. ખુબ સુન્દર કવિતા.

  • Raj Parikh

    dikri etle j vahal no dariyo…..
    dikri vishe vanchta aankh ma aansu pan aave ane mithu hasya pan khilve , jetlu lakahay ane jetlu vanchay tetlu ochhu chhe…

    khub sundar kavita…

  • vishwadeep

    દીકરી વિષે બસ લખ્યાજ કરીએ…અને વાંચ્યાજ કરીએ. એમાંય હેમાંશુભાઈનેી કવિતા ભાવ-વિભોર કરી દે એવી કવિતા છે..

  • ચાંદ સૂરજ.

    બંધુશ્રી હિમાંશુભાઈ,
    આપની ખુશી ભલે અમેરિકા ધામે વિચરતી હોય પણ ધબકારા એનાં આપના હૈયે જ ઉઠે છે !

  • marmi kavi

    હિમાંશુભાઈ, ખીશીની અભિવ્યક્તિ સરસ કરી…….અને રેખાબેન….આપને પ્રતિ….

    જમીન પર દીવાલ
    દીવાલમાં બારી
    બારી પર તું
    અને
    તને જોતી મારી બે આંખના ઊંડાણમાં
    ઈવ અને આદમ………….

Comments are closed.