ઢાળી દે છે – પ્રવિણ શાહ 12 comments


છંદ- ગાગાગાગા ગાગાગાગા

બીબા ઢાળે ઢાળી દે છે,
પગલું એનું બાંધી દે છે.

ઊડવા આખું અંબર આપી,
ઊડવું એનું કાપી દે છે.

મસ્તી ને ભરતી દૈ એને,
પાણી પાછું વાળી દે છે.

પા પા પગલી માંડે ત્યાં તો,
પીઠે દફ્તર લાદી દે છે.

સપનું એનું સપનું રહે છે,
આંખોથી છલકાવી દે છે.

પ્રવિણ શાહ

અક્ષરનાદના વાંચકમિત્ર શ્રી પ્રવીણભાઈ શાહ વડોદરા રહે છે અને પદ્ય રચનાઓ તેમનો પ્રિય વિષય રહ્યો છે. પ્રસ્તુત રચનામાં તેઓ એક વિદ્યાર્થીની વેદના અને તેના ભવિષ્ય વિશેની આપણી જડ મનોવૃત્તિ પર ચિંતા વ્યક્ત કરતા જણાય છે. ડોક્ટર, ઈન્જીનીયર વગેરે ઢાળોમાં, બીબાઓમાં તેને ઢાળવાનો પ્રયત્ન તેના પ્રથમ ડગલાથી જ શરૂ થઈ જાય છે. તેની વિકસવાની શક્યતાઓ પર કાતર ફેરવી દેવામાં આવે છે, તેની ક્ષિતિજ ખૂબ સંકુચિત થઈ જાય છે. અને તેના સપનાઓ સપના રહે છે અને તે બીજાઓના સ્વપ્ન માટે, તેમની આકાંક્ષાઓ માટે મંડ્યો રહે છે. ચીલાચાલુ વિષયથી સહેજ હટીને એક સચોટ વાત કહેતો આ ગઝલરચના નો પ્રયત્ન ખૂબ જ સુંદર છે. પ્રવીણભાઈને એ માટે ખૂબ શુભેચ્છાઓ.


12 thoughts on “ઢાળી દે છે – પ્રવિણ શાહ

  • Gaurang Thaker

    પા પા પગલી માંડે ત્યાં તો,
    પીઠે દફ્તર લાદી દે છે.
    વાહ સરસ ગઝલ…

  • Ashok Jani

    પ્રવિણભાઈની ટુંકી બહેરમાં ઉત્ક્રુષ્ટ રચના, અનાયાસે વાહ બોલી જવાય તેવી….

    પા પા પગલી માંડે ત્યાં તો,
    પીઠે દફ્તર લાદી દે છે.

    સપનું એનું સપનું રહે છે,
    આંખોથી છલકાવી દે છે.

    બીજા શેર માં ‘ઉડવું’ ની જ્ગ્યાઈએ ‘પાંખો’ મુકી શકાય ??? વિચારી જૉજૉ……

  • nilima shah

    very short and sweet…
    you believe in what you say
    you gave us all the freedom

    love you,
    papa

  • nitin talati

    Balko ni vyath,ane man ni mujvan ni saras abhivyakti ni kruti khub saras
    Bibadhal rit,ane shishav ma pith par bhar,ane pankhvagar aakash ma udvu,khub vyathapurna satya nikruti chhe
    khub gami

  • sudhir patel

    આજના શિક્ષણની પરિસ્થિતિને સચોટ રીતે ઉજાગર કરતી સુંદર ગઝલ!
    આ શે’ર વધુ ગમ્યાં. પ્રવિનભાઈને અભિનંદન!

    ઊડવા આખું અંબર આપી,
    ઊડવું એનું કાપી દે છે.

    સપનું એનું સપનું રહે છે,
    આંખોથી છલકાવી દે છે.

    સુધીર પટેલ.

  • sapana

    સપનું એનું સપનું રહે છે,
    આંખોથી છલકાવી દે છે.

    સરસ ગઝલ્!!
    સપના

  • Narendra Jagtap

    પ્રવીણભાઇ… આપની ટૂકી બહેર ની ગઝલ ખુબ જ ગમી… સરસ છે…
    પા પા પગલી માંડે ત્યાં તો,
    પીઠે દફ્તર લાદી દે છે.

    આ શેર તો મઝાનો છે…

Comments are closed.