શિશુની કવિતા – જયંત પાઠક 4 comments


બાળકે કાગળમાં કરેલા
આડા અવળા લીટા વચ્ચે હું,
હારબંધ શબ્દોમાં કવિતા લખવા જાઊં છું
ત્યારે

આનંદવર્ધન શિખા ઉપર હાથ ફેરવતા
બોલી ઉઠે છે :
काव्यस्थ आत्मा ध्वनिः !

કવિ મૅકલિશ પાઈપના ઉંચે ચઢતા ધુમાડાના
અમળાતા અક્ષરોમાં ઉદગારે છે :
A Poem should not mean, but be !

હું
બાળકે કરેલા આડા અવળા લીટા વચ્ચે
કવિતા લખવાનું માંડી વાળું છું,
બાળકે લખેલી કવિતા વચ્ચે
આડા અવળા લીટા કરવાનું માંડી વાળું છું !

– જયંત પાઠક

એક બાળકના અભિવ્યક્તિ સામ્રાજ્યમાં, તેની લીટાઓની અભિવ્યક્તિમાં કવિ કવિતા ગોઠવવાનો પ્રયત્ન કરતા જણાય છે, પરંતુ પછી તેઓ પોતે જ તેની વ્યર્થતા સમજાવે છે, બાળકની અભિવ્યક્તિની ગોઠવણ કરવાનું કામ છોડતાં તેઓ કહે છે,

બાળકે લખેલી કવિતા વચ્ચે
આડા અવળા લીટા કરવાનું માંડી વાળું છું

અભિવ્યક્તિની આ જ ઉંચાઈ અને સરળતા શ્રી જયંત પાઠકની કવિતાઓને મનનીય, સુંદર અને વિશેષ બનાવે છે.


4 thoughts on “શિશુની કવિતા – જયંત પાઠક

  • SHAIKH Fahmida -Ankleshwar

    Kharekhar khoob Saras.tamari vanachal krauti mane khoob game che.
    Aa chand alankar mane na samjhanu
    Hu to bhai fakt kavita j manu.
    Aa radif kafiya ni andar kon jay
    Enathi parixa ma man ghanu ghabray.
    Ene samajva savar thi saanj kadhi
    Toy mane kai samaj na aani.
    Pan kahi gaya guru ke ena vagar na chale
    E to kavya no aatma kehvay.
    Vaat tamari taddan saachi pan
    Emaj thodi kehvay ke
    Lakhta lakhta lahiyo thavay.
    Aa chand alankar mane na samjhanu
    Hu to bhai fakt kavita j manu.

  • -પ્રવિણ કે.શ્રીમાળી

    શું વાત છે?! વાહ…સરસ ભાવવાહી અભિવ્યકિત !! અને સરસ રચના! અભિવ્યકિત ની આ ઊંચાઈને કોઈ ના આંબી શકે. અભિવ્યકિત માત્ર શબ્દોથી નહીં, દિલથી-અંદરથી થાય છે અને તેની રજૂઆતનું માદ્ધયમ ભલે ગમે તે હોય!!

Comments are closed.