એક એવીતે પ્રીત અમે કીધી,
કે ઘૂંટમાં આખી પિયાલી પીધી
પીંછામાં એક, અમે પંખીને પામીયા
ને તારામાં એકલ આકાશ
લહેરીમાં એક લીધો સાગરને તાગી
ને એકજ કિરણમાં પ્રકાશ
એક એવી તે પ્રીત અમે કીધી
કે મીટમાં નજરું હજાર બાંધી લીધી.
એક જ ઉચ્છવાસ અમે લીધો ને રોમ રોમ
ઉઘડ્યા ફટોફટ ફૂલ
એક જ નિશ્વાસ અમે મૂક્યો ને કંપિયા
વનવનનાં પર્ણૉ વ્યાકુલ
એક એવીતે પ્રીત અમે કીધી,
કે ભંગમાં રેખાઓ ઉઘડી સીધી!
– જયંત પાઠક
એક એવિતે પ્રિત અમે કિધિ
કે ભન્ગમા રેખઓ ઉઘડિ સિધિ
“બહુજ સરસ કવિતા પિરસી છે….”
ચન્દ્રા
સુન્દર કવિતા!!!!! બહુજ સારિ લાગિ.
અજ્ય જોશિ
અતી સુંદર કાવ્ય ..
ખૂબ સુંદર કાવ્ય… ફરી માણવું ગમ્યું…
સરસ કાવ્ય છે.કવિની પ્રિત કરવાની રીત ગમે એવી છે.
સપના