સંતોને બગાડવાનું બંધ કરો – ગુણવંત શાહ 31 comments


મારા તાબામાં રહેલી સધળી નિખાલસતા નિચોવીને મારે કહેવું છે ; હે હિન્દુઓ ઊઠો, જાગો અને સંતોને બગાડવાનું બંધ કરો. અજ્ઞાની પ્રજા કદી ધાર્મિક નથી હોતી. ગમે તેવા લેભાગુ માણસને સાધુ માની લેવાની હિન્દુઓની શક્તિ અપાર છે.

કોઈ પણ માણસને સંત કહેતાં પહેલાં એનું કે એના આશ્રમનું બેન્ક બેલેન્સ તપાસી લો. હવે નવી તરકીબ શરુ થઈ છે. ઉપદેશકો સાથે વિરાટ રકમોની લેવડદેવડવાળાં ટ્રસ્ટો રચવામાં આવે છે. હિસાબો જાહેર થતા નથી અને ગોટાળા ધાર્મિક હોય છે તેથી ઓડિટમાં પણ વાંધો આવતો નથી. ટ્ર્સ્ટીઓ નજીકના સ્વજનો કે પ્રિયજનો હોય છે. કહેવાતા સંત બહારથી અલિપ્ત હોય છે, પરંતુ અંદરથી સવાયા સંસારી થઈને પ્રજાના પૈસે લહેર કરતા રહે છે. એમના  પી.આર.ઓ. ઈમેજ  બિલ્ડ-અપ કરતા રહે છે. વાતો ત્યાગની અને ખાનગીમાં ભોગની બોલબાલા. આશ્રમમાં રહસ્યમય ભોંયરું હોય તો જરુર એમાં બાવાજીની લંપટલીલા ચાલવાની. સ્ત્રીઓ અને પુરુષ એકબીજા પ્રત્યે આકર્ષાય તેમાં અધાર્મિક કશું નથી. બાવાજીને પણ પ્રેમ કરવાનો અધિકાર છે. બાવાજી પ્રેમ નથી કરતા; તેઓ સ્ત્રીઓને ફસાવે છે અને વળી આત્મા-પરમાત્માની વાતો કરીન ફસાવે છે. તેઓ શક્તિપાતની વાતો સાથે વીર્યપાત કરતા રહે છે. બાવાજીનું ભોંયરું સંસારીના બેડરુમ કરતાં વધારે ખતરનાક હોય છે. ભોળી સ્ત્રીઓ માટે ફળીયાનું અંધારું આશ્રમના અજવાળ કરતાં વધારે સલામત ગણાય. બાવાજી સ્ત્રીને પ્રેમ નથી કરતા, તેઓ સ્ત્રીઓને મુર્ખ બનાવે છે. મુર્ખ બનવા માટે હિન્દુ સ્ત્રીઓ જેટલી ઉત્સુક સ્ત્રીઓ મેં બીજા કોઈ દેશમાં જોઈ નથી.

કોઈ કહેવાતા લોભનંદજી કે લંપટેશ્ર્વર કે મોહાનંદજીને પનારે પડનારી અંધશ્રધ્ધાળુ પ્રજા ‘રામાયણ’, ‘ગીતા’ કે ‘ઉપનિષદ’ નથી વાંચતી. હિન્દુ ભાઈબહેનો, એકવીસમી સદીન છાજે તેવા જીવનવ્યવહાર વગર વાસી ધર્મના ઢોલ પીટ્યા રાખીશું તો ખતમ થઈ જઈશું. ધર્મ સાથે તાજાં અરમાનોનો મેળ પાડવો પડશે. અંધશ્રધ્ધાની આરતી ઉતારવનું બંધ કરવું પડ્શે અશ્ર્વમેધ જેવા બોગસ યજ્ઞો બંધ કરવા પડશે અસ્પ્રુશ્ય્તા નાબૂદ કરવી પડશે. દહેજપ્રથા ખતમ કરવી પડશે. દેવદાસી પ્રથાના કલંકને દૂર કરવું પડશે વિધવાઓની અવદશા દૂર કરવી પડશે. આશ્રમોનો અને મંદિરોનો કચરો ,માનસિક કચરો અને આર્થિક કચરો સાફ કરવો પડશે. સાચો પ્રેમ કેમ કરવો તે નવી પેઢીને શીખવું પડશે. નવી સદી વાસી ધર્મનું નવસંસ્કરણ માગે છે. નવી પેઢી બ્લુ ફિલ્મ ‘જુએ’ છે, જ્યારે બાવાજીઓ તો બ્લુ ફિલ્મ ‘જીવે’ છે.

રામાયણ આપણું ઉદાત્ત મહાકાવ્ય છે, એ જરૂર સૌ એ વાંચવુ જોઈએ, પરંતુ વાંચીને પણ આપણા વિવેકને ગિરવે મૂકવાનો નથી. ચરણ સેવા, ચરણ સ્પર્શ, અને ચરણ ધોઈને પાણી પીવામાં ધર્મ છે એમ માનનારી નિર્માલ્ય પ્રજાને કેશવાનંદ ન મળે તો શું વિવેકાનંદ મળે? હિન્દુઓ ક્યારે જાગશે? એંશી ટકા પ્રજા ઉંઘતી હોય ત્યારે લઘુમતી જાગતી રહે એવું બને ખરું? એ બિચારી મુલ્લાગ્રસ્ત છે, બન્ને વચ્ચે હરીફાઈ જાગવાની નહીં, બેભાન રહેવાની ચાલે છે. માંજી માંજીને વાસણ ચક્ચક્તું કરીએ તેમ ધર્મને પણ સ્વચ્છ કરીને ચક્ચક્તો કરવાનો છે.

 – ગુણવંત શાહ (ગરવી ગુજરાત અઠવાડીક – ૨૦૦૨)


31 thoughts on “સંતોને બગાડવાનું બંધ કરો – ગુણવંત શાહ

  • Jf hafiz

    It’s just superb reality of not only Hindu sadhus n Sants, but all so called mullas, mahadevs, or all religions preachers, who just makes blind faith people full n bake their breads n live in lavish bungalows, n enjoy hifi life.

  • Kedarsinhji M Jadeja

    દાન.૨
    હમણાં હમણાં કેદારનાથ ના દરરોજ સમાચાર દરેક માધ્યમોમાં છવાયેલા રહેછે. ત્યાંના પ્રલયને એક માસ થયો તેના રિપોર્ટ જોયા, ક્યારેક અમુક સેવા જોઈને Anand થાયછે તો વધારે નિરાશા પણ થાયછે. જવાનોએ કરેલી અદ્ભુત કામગીરી જોતાં તેમને સલામ કરવાનું મન થાયજ, ચોપરના ચાલકો પોતાનો જીવ જોખમમાં મૂકીને કેવી કેવી જગ્યાએ ઉતરાણ કરીને સેવા આપતા હતા તે તો કદાચ આ પરિસ્થિતિને સમજનારજ સમજી શકે. તો પ્રશાસકોના ભ્રામક ભાષણો સાંભળીને અફસોસ થાય કે આમને મત આપીને કેવી મોટી ભૂલ કરીછે? આજે પણ ટી વી માધ્યમોએ બતાવેલા દ્ગશ્ય મુજબ જો તે આજનાજ દ્ગશ્યો હોય તો આજે પણ મેં પહેલાં બતાવેલા નંદી મહારાજના શરીર પર પડેલા પથ્થરને હટાવવાનું કોઇને ધ્યાન આવ્યું લાગતું નથી, તે પથ્થર એજ સ્થિતિમાં નંદી મહારાજને પરેશાન કરી રહ્યો છે.
    દાન બાબત હું આ લખાણ એક બે જગ્યાએ મૂકી ચૂક્યોછું પણ આજે ફરીથી લખવા પ્રેરાયોછું અને બધાને મોકલવા ની ઇચ્છાથી લખુંછું.

    અનેક નામી અનામી દાતાઓ એ અનેક રીતે દાન કરીને પોતાનો ઇતિહાસ બનાવ્યો છે. મહા દાની કરણ, કે જેની પાસેથી કોઈ પણ યાચક ખાલી હાથે પાછો ન ફરતો. ઘણા દાનીઓ એ જ્યારે યાત્રાળુઓને રહેવાની સગવડ ન હોય તેવી પહાડી અથવા એવી દુર્ગમ જગ્યા કે જ્યાં ખાલી હાથે જવું પણ અઘરું લાગતું હોય, ત્યાં સિમેન્ટ પથ્થરો અને લાકડા પહોંચાડી ને અદ્યતન ધર્મશાળાઓ બનાવીછે, તો કોઈ મહાનુભાવે અન્નક્ષેત્રો ચાલુ કરાવ્યાછે. કોઈ કોઈ સંપ્રદાય મહાલયો બનાવવામાં આગળ રહ્યા તો કોઈ વળી દેવાલયો બનાવવામાં અરબો ખરબો ના દાન લઈને એક થી એક ચડિયાતા મંદિરો બનાવવામાં લાગી ગયા. અવા તો અનેક દાતાઓ આપણા ભારત વર્ષમાં થઈ ગયા જેણે પોતાનું નામ સુવર્ણ અક્ષરે માનસ હ્રદય માં કોતરાવી દીધું. હાલના વિજ્ઞાનના સમય માં લોકો અંગોનું દાન કરી ને ચિકિત્સા પધ્ધતિ માં સહાય રૂપ બનવા લાગ્યા છે.

    ક્યારેક મન એમ પણ વિચારવા મજબૂર બની જાય છે કે શિરડી વાળા સાંઈબાબા કે જેમણે આખી જીંદગી એક ધોતી અને ઝભ્ભો પહેરી ને કોઈ સામાન્ય ભેટ પણ ન સ્વીકારી ત્યારે આજે બાબા ને સોના ના સિંહાસન અને અન્ય મૂલ્યવાન આભૂષણો ધરવામાં આવે છે, તે બાબાને ગમતા હશે કે ભક્તો સામે મજબૂર બની ને સ્વીકારવા પડતા હશે?

    સત્ય સાંઈ બાબા માટે અનેકો અનેક સાચી ખોટી વાતો થતી, પણ તેમણે જે વિદ્યાલયો અને ચિકિત્સાલય બનાવી, અને તેમાં પણ ગરીબો ને મફત ઇલાજ અને વિદ્યા દાન આપવામાં આવે છે તેનું જે મહત્વ મને સમજાય છે તે ભગવાન ને ૫૬ ભોગ ધરવાથી અનેક ગણું વધારે લાગે છે. ભગવાન તો ભાવના નો ભૂખ્યો છે, માનવ ને ભૂખ્યો રાખી ને ભગવાન ને ભોગ લગાવો તો હું નથી માનતો કે ભગવાન એ ભોગ જમે. અરે મને તો લાગે છે કે આવા ભોગથી તે પ્રસન્ન થવાના બદલે ક્રોધાયમાન થતો હશે અને કહેતો હશે કે હે નાદાન, તું શું સમજે છે? મારું એક પણ સર્જન ભૂખ્યું હોય ત્યારે હું ભોગ આરોગું?

    કોઈ જગ્યાએ હજારો લીટર દુધ ધરવામાં આવેછે, તો કોઈ જગ્યાએ તેલની ધારાવાહી કરીને પુણ્ય કમાવામાં આવેછે, તો ક્યાંક શરાબ પણ અર્પણ કરવામાં આવીછે, હું તેનો વિરોધ તો નથી કરતો કારણ કે હું પણ ધાર્મિક વૃત્તિ ધરાવુછું, દરેક ની માન્યતા અલગ અલગ હોયછે, પણ જે આવો ચડાવો ચડાવવામાં આવેછે તેમાં શરાબ જેવી પ્રસાદી છોડીને ખાવા લાયક કે ફરી ઉપયોગમાં આવી શકે તેવી પ્રસાદી માટે કોઈ એવી વ્યવસ્થા કરવી જોઇએં કે તે ખરાબ નથાય અને શુદ્ધિ કરણ કરીને જરૂરત મંદોને કે ભૂખ્યા દુખીયાને આપવામાં આવે તો મને લાગેછે કે ભગવાન વધારે ખુશ થશેજ તેનો મને પુરો ભરોસો છે.

    મેં સાંભળેલી કથા પ્રમાણે તિરુપતિ દાદાની વાત થોડી અલગ છે, તેનું કથાનકજ અલગ છે તેથી ત્યાં લક્ષ્મીજીનું મહત્વ હોય તે સહજ છે, પણ પ્રસાદનો વેપાર કેટલો ઉચિત છે? ભગવાને દાન ધર્મ કે બીજે ક્યાંય રોકાણ કરવા બાબત કોઈ અવરોધો રાખ્યા નથી, તો શા માટે ગરીબોને મફત દવા/ ચિકિત્સા અને ભોજન, સંપતી હોવા છત્તાં આખા ભારતમાં ઉભા નથી કર્યા? જે લગભગ મોટા ભાગના ગરીબ દર્દીઓને સેવા આપી શકે, પણ જે છે તેમાં પણ ઘણી જગ્યાએ લાગવગથી મોટા માથાઓ કે સંચાલકોના સગા વહાલા ભરાઈ બેઠાં હોવાથી જગ્યા હોતી નથી કે મળતી નથી. એવાતો અનેક રસ્તાઓ છે જેનાથી ભગવાન પણ ખુશ રહે, પણ કોઈ પણ કારણસર આવું બનતું નથી તે દુર્ભાગ્ય છે. આવા અનેકો અનેક મંદિરો આપણા ભારતમાં અને આપણા ધર્મોના કાર્ય કર્તાઓએ વિદેશોમાં પણ અઢળક સંપતી એકઠી કરીને નિર્માણ કર્યાછે, પણ આવા કોઈ કાર્યોમાં ખૂબજ અલ્પ ભાગજ વાપર્યોછે.

    મારા પોતાના મત પ્રમાણે મોટા મોટા મહાલયો કે મોટા મોટા મંદિરો માં જ્યારે દર્શનાર્થિ જાય છે ત્યારે શાંતિ કે ભક્તિ મેળવવા ના બદલે ભવ્યતા અને વૈભવમાં એવો તો લીન થઈ જાય છે કે તે ઘડી ભર ભગવાન ને પણ ભૂલી જાય છે, અને તેથી આવા મહા મંદિરો નો આશય (ભક્તિ) વીસરાય જાય છે. એના બદલે એટલી રકમ માંથી અમુક રકમ ની કોઈ હોસ્પિટલ બનાવી અને બાકી રકમ કોઈ બેંકમાં જમા કરી ને તેના વ્યાજ માંથી ઘણી જગ્યાએ ચાલતી સેવાઓ અનેકો અનેક ગણી વધારે આશીર્વાદ રૂપ બને છે. અને એમાં સારવાર પામી ને નવ જીવન મેળવેલો માનવી કોઈ ભવ્ય મંદિરમાં જઈ ને મેળવેલી શાંતિ થી અનેકો અનેક ગણી પરમ શાંતિ જીવન ભર પામે છે. ઈશ્વર આવા કાર્યથી જે ખુશી પામતા હશે તેનાથી કોઈ મોટી ખુશી કોઈ પણ દાનમાં પામતા નહીં હોય.

    આવા બધા અરબો ખરબોના માલિક ભગવાનના સેવકોમાં પણ એક જગ્યા એવી છે કે જેનો ઉલ્લેખ ન કરું તે કેમ ચાલે? કારણ કે આ એક એવી જગ્યા છે કે જ્યાં ભક્તો અરબો રૂપિયા એક ચપટી વગાડતાંજ એકઠા કરી આપે તેવી જગ્યા છે, પણ આ જગ્યા માં આપણા શાસ્ત્રમાં સૌથી જેને મહા દાન ગણવામાં આવ્યું છે તે અન્ન દાન નું દાન કરીને અનન્ય સેવા કરેછે, અને તે પણ આપને નવાઈ લાગે તે રીતે કોઈ પણ જાતની સેવા સ્વીકાર્યા વિના કરવામાં આવેછે, હાંજી આપ ઠીક સમજ્યાછો, કોઈ પણ દાન કોઈ પણ રૂપમાં અહીં સ્વીકારવામાં આવતું નથી, અરે કોઈ ફળ પણ નહીં, છેને આ જમાનામાં ન માની શકાય તેવી વાત? છતાં આ જગ્યા મારફતે મહિલા શિક્ષણ માટે અદ્યતન કૉલેજ અને ચિકિત્સા જેવી અનેક સુવિધા વિના મૂલ્યે ઉપલબ્ધ છે. અને એ જગ્યાછે રાજકોટ થી નજીકમાંજ આવેલું નાનું એવું વીરપુર ધામ કે જ્યાં જલારામ બાપાના એક સમયે બેસણા હતા અને સાક્ષાત્ ઈશ્વર પોતે ત્યાં પધારેલા અને જલારામ બાપાના પત્ની વિરબાઈમાંની માગણી સેવા કરવા માટે કરેલી, કોઈ પણ જાતનો સંશય કર્યા વિના બાપાએ વિરબાઈમાંને ભગવાન સાથે વળાવી દીધેલા. પછીતો ભગવાનને ભોંઠપ આવી અને વિરબાઈમાંને એક ધોકો અને એક ઝોળી આપીને મહા મહેનતે છટકી શક્યા, આજે એજ ધોલો અને ઝોળી વીરપુર ધામમાં દર્શનાર્થે રાખવામાં આવ્યાછે, પ્રભુએ હાથો હાથ આપેલા એ ધોકા અને ઝોળીના દર્શન કરીને ભક્તો ધન્ય ધન્ય બનેછે. એવી પવિત્ર ભૂમી છે વીરપુર, હવે આપજ વિચારો આપ કેને મહાન કહેશો ? અને છતાં કોઈ જાતનો પ્રચાર કરવામાં આવતો નથી. કે કોઈ ચમત્કારની ભ્રમણા ઊભી કરવામાં આવતી નથી.

    મિત્રો મારી બુદ્ધિ પ્રમાણે મને જે લાગે છે તે લખું છું, માટે મારા મત સાથે સહમત થવાની જરૂર નથી, પણ કોઈ પણ કર્મ કે દાન સમજી વિચારી ને કરાય અને યોગ્ય રીતે કરાય તો જ તેનું શુભ ફળ મળે છે, નહીં તો તેમાં નુકસાન થવાની સો એ સો ટકા સંભાવના છે. એવા ઘણાં દાખલા આપણા શાસ્ત્રોમાં મોજૂદ છે કે કોઇએ ગેર માર્ગે દોરાઈ ને કે યોગ્ય પાત્રની જાણકારી વિના દાન કરીને પુણ્ય ને બદલે પાપ કમાયું હોય.

    આશા કરૂં ઈશ્વર સૌને સદ બુદ્ધિ આપે, (મને પણ.)
    જય નારાયણ.

    • Nitin

      બહુ સરસ લેખ છે.મન્દિર મા જઇ ને ભગવાન ને ભેટ ચડાવવી અને તેના બદલામા અપેક્શા એ તો પ્રભુ ને છેતરવાનુ કામ્ ગણાય ભગવાન એમ છેતરાય કે.?નર ની નિસ્વાર્થ્સેવા મા તમે જે કહ્યુ તે જ મોટૉ ધર્મ છે

  • Pathik patel

    હા સચિ વાત છે સાચુ સોનુ ને ખોટુ સોનુ જેમ ઓળખિયે છિયે તેમ સાધુ ઓળખવા નિ જરુર છે

  • mukesh

    ખરેખર ખુબજ સરસ લેખ પણ સવાર પડે ને દરેક ચેનલમાં કોઇને કોઇ જગદ્ગુરૂ ઉપદેશ આપતાં જ હોય છે… આ બંધ થાય તો પણ સારું અમુક તો પોતે જગતનું કલ્યાણ કરવાં નિકળ્યા હોય એમજ ઉપદેશ આપતાં હોય છે….

  • Kantilal Dhimar

    God fearing people searches for that Almighty, mercyful, helpful God since civilisation began. Todays life is very stressful, unpredictable nothing comes easy & high cost of medication furthers men’s quest for God – & his divine helping hand.

    Unfortunately majority of the people are fools they can be easily swayed by emotions ( Hitler ), hence we need to educate gullible people to differantiate between a fake & genuine Sadhu. I will print & circulate this article among my samaj & close people.

    Dr. Abraham T. Kovoor’s book “Bygone Godmen” is a must read for people blindly following the so called Miracle Babas.

  • Deval Kapadia

    Simply great.This society doesn’t need any sadhu baba, any temple or any religious activity.A man can grow by his moral values and his dedicartion at work. The true religion is just to be YOURSELF. Why we try to follow others like RAM, KRISHNA, JESUS or MOHAMAD? I feel the god in blooming flowers, at sea shore and a smile in a innocent child.Because i don’t BELIEVE IN THE GOD.BUT I KNOW THE GOD. GOD.

  • jayesh prajapati

    hallo dear jagat & gunavant bhai frist time blog jova bedhho chhu paheloj blog mara priy lekhak gunavant bhai no blog jovanu banyu…saras bahu maja avi biju k sadhu bava badhha kai sav kesava nanda nathi hota tame j gunavant bhai keswanand no intarvew jail majayi ne layi avya hata loko j lalach ane potana kam mate menaka bani jay chhe ghana kesh ma avu pan hoi chhe guru ane shishya vachhe raheli maryada nu barobar palan karavama ave to kadach uprokt samaj jova na male baki koi pan jagya ma 1 samay pachhi akhada badhhe thata avya chhe..jagaya tatha sat guru nu jaya sudhhi punya pahochatu hoi tya sudhi halka vicharo tya nathi pahochata avay samaj ma gana dakhala chhe…….astu subham bhavtu

  • Tejas Patel

    One day one man went to a well-known saint and by knowing from the media told to the saint that saints should not do this or that and saints should do this or that only.
    The saint replied him that you know what saints should do and what not to do. Then why don’t you become the saint ? The man replied how is it possible ? The saint replied that if you are not ready to be a saint then why are you saying how one should behave ?
    Also one should observe why only Hindu saints are Dhongi Bava ? Why other religion’s saints are not Dhongi Bava ?
    Also media only gives 80 % news which shows negativity as if nothing good happens in the society. And also if anything good is done it is done only through media.
    Media should think twice before writing anything negative about any person. Our culture says that if any person has 99 negative points but if he possesses 1 positive points, we should learn from that point ignoring his negative points. Otherwise we can say, “JEVI DRASHTI TEVI SHRUSHTI”.

  • viram maru Ahir.

    hu gunvntbhai na lekh ma sath aapu chu. Harkishn mheta ni novel ” sansari sadhu ” aava Santo par prakash pade che

  • MANAV PATEL

    ” MANAV NA THAI SHAKYO PAN , ISWAR BANI GAYO .
    GHABHARU ANE BHOLI STREEO THAKI . STREEO NE JO POTANU SVAMAN PRIY HOI TO AVA
    SHADHU , BAVA, SWAMI, MAHATMAO NE STREEO A JA GOLI MARI DEVI JOIE .

  • Dilip Gajjar

    Aa lehk far vaanchyo pan message bahu agatyano chhe..mari samaj mujab
    વ્યકિતની પૂજામહી તરબોળ કેવા થઈ ગયા
    જે ભ્રશ્ટ ચારિત્રયો હતા તેવાય પૂજાઈ ગયા
    દિલીપ ગજ્જર લેસ્ટર

  • Chaitali Patel

    I find it somewhat wrong..As per being hindu it is our tradition to believe in GOD & saints are he medium to reach God ( as per Geeta, Ramayan, Upnishad, Veda),,, I agree that all should be aware of social evils like Female feuticide, illeteracy & many more,,,but it is not so, that by following any saint we r suffering from this problems,,I do believe that some of the saints are like that,,but it is not of whole community of Saints,,by telling this much of things about saints I think u have hurted half of the people….Yeah definitely this article is eye opening for those who blindly believe in saints (Dhongi bava) but this is not a way seriously!!!!

    Please use ur pen by keeping people’s feelings in ur mind!!

    About social awareness it will not be in action by writing this kind of articles. By this way we just can excite public,,but I think untill public do not try to change thyselves & mentality these problems will not be solved & social evils will be decrease!!

  • Raj Adhyaru

    Jignesh,
    This kind of article may help people to understand their mythological responsibilities.

    It is realy great….

  • Indravadan

    મુ. શ્રી ગુણવંતભાઇ શાહ ના વિચારો સાથે હું સહમત છું.

    લંપટ, લોભી, લાલચુ અને સત્ત ભુખ્યા આવા સાધુઓ પોતાની લીલાને આંચ ના આવે એટલે પોતાના સંબંધો રાજકીય વ્યક્તિઓ સાથે વધારે રાખે છે. ફળસ્વરુપે આવા તત્વોને સહેલાઇથી છુપો રાજ્યાશ્રય મળી જાય છે અને સમાજને ઉધઇની જેમ કોર્યા કરે છે. જો છુપો રાજ્યાશ્રય ના મળે તો આવા ઢોંગી સાધુઓની પાપલીલા નો અંત શક્ય છે, બાકી તો પ્રજાએ રાજ્યને જ બદલવું પડશે.

  • nilam doshi

    સાવ સાચી વાત. સ્વામી વિવેકાનંદે તો આજથી સો વરસો પહેલા કહ્યું હતું કે થોડો સમય જો બધા ધર્મગુરુઓ, સંતો, પાદરીઓ, મુલ્લાઓ વિગેરે ઉપદેશ આપવાનું..બોલવાનું બંધ કરી દે તો સાચો ધર્મ જરૂર પ્રકાશમાં આવે. સ્વામીજી આર્ષદ્રષ્ટા હતા. ધર્મ વિશેનો તેમનો લેખ મારા બ્લોગ પર મૂકેલ છે જ. વરસો પહેલા કહેવાયેલ તેમની વાત આજના સન્દર્ભમાં પણ કેટલી સાચી છે તે તો લેખ વાંચીને જ ખબર પડે.

  • Vinod Patel

    Thank you jigneshbhai for posting such a tejabi article. This is very eye-opening article.

    Vinod Patel, USA

Comments are closed.